هموت عليكي من حزني.. أب يناشد ابنته العودة للمنزل عبر فيس بوك بأسيوط

<p>ناشد أب ابنته المتغيبة منذ أيام عبر حسابه على موقع التواصل الاجتماعي &ldquo;فيسبوك&rdquo; بالعودة إلى المنزل.</p><p>وكانت قد انتابت&nbsp;حالة من القلق أهالى قرية العونة التابعة لمركز ومدينة ساحل سليم بمحافظة أسيوط عقب غياب فتاة عشرينية عن منزل والدها ومناشدته لها بالعودة لمنزلها عبر موقع التواصل الإجتماعي فيس بوك.&nbsp;</p><h2><span style="color:#c0392b;">رسالة مؤثرة من والد الفتاة&nbsp;</span></h2><p>وكتب محمود خليل ابراهيم خليل، والد الفتاة عدداً من المنشورات قائلا:بنتي العزيزة آية أنا عارف إني ظلمتك وقسيت عليكي من غير ذنب علشان كده بقولك قدام العالم كله حقك عليا وسامحيني وتعالي لو مش علشان خاطري أنا علشان خاطر إخواتك اللي بيحبوكي، وانتي عندي أغلى إخواتك.. آية محمود متغيبة من يوم الثلاثاء 7- 3- 2023، من كلية أصول الدين جامعة الأزهر أسيوط، اللي يعثر عليها أو يقدر يساعدني يتواصل معايا وله جزيل الشكر.&nbsp;</p><p>ونشر والد الفتاة، منشوراً آخر تضمن، على فكرة يا آية أنا بنشر علشانك إنتي مش علشان الناس علشان تعرفي إني عرفت متأخر إني قسيت عليكي من غير سبب، إنما يعلم الله من غير قصد وعلشان أنا الوحيد اللي عارف آية بنتي بقولك أنا أبوكي اللي بقولك حقك عليا وأنا اللي بطلب منك السماح علشان أنا اللي ظلمتك.. كفاية كده أنا تعلمت الدرس مع إنه قاسي قوي إنما أنا مسامحك تعالي علشان خاطر نفسك وخاطر إخواتك وبلاش علشان خاطري علشان عارفك زعلانة مني.</p><p>وتداول رواد مواقع التواصل الإجتماعي، صور الفتاة على السوشيال ميديا والصفحات لتلبية نداء الأسرة للمساعدة في الوصول إليها.</p>