قتـلتها وقعدت أعيط جنبها .. ننشر اعترافات الزوج المتهم بقتل "عروس طنطا" بعد 48 ساعة من زفافهما

<p>أدلى&nbsp;المتهم بقتل زوجته بعد 48 ساعة من زفافهما بعزبة داود التابعة لقرية نفيا مركز طنطا بمحافظة الغربية، بعدة اعترافات حول ارتكابه لتلك الجريمة التي هزت وسائل التواصل الاجتماعي المختلفة.&nbsp; &nbsp;</p><p>في البداية وجهت جهات التحقيق سؤالا إلى المتهم عن ماهي تفصيلات إقراره، وجاءت الإجابة كالآتي:</p><p>اللي حصل إن أنا متجوز&quot;أ. ح. ا&quot;، من حوالي 3 أيام وكان أول يوم هو الاثنين اللي فات، وأنا وهي معملناش مع بعض أي حاجة لأننا كنا تعبانين ومجهدين من الفرح لأننا رجعنا البيت الساعة 12 بالليل ونمنا، وتاني يوم اللي هو كان الثلاثاء اللي فات الموافق 24- 4- 2023، وصحينا بعد الظهر وأنا اليوم ده حاولت إني أخد حقي الشرعي منها إلا أنها قعدت تقولي لا ابعد عني ومتقربليش، ومرضتش إنى أعمل حاجة معاها واتغدينا مع بعض وقعدنا باقي اليوم نتفرج مع بعض على فيلم ونتكلم ونضحك ونهزر، وبالليل اتكلمت معاها تاني علشان أخد حقي الشرعي منها فهي قالتلي أنت مستعجل على أيه أنا.. قدامنا العمر كله ولسه بدري علينا لحد ما نمنا.</p><div class="full-width clearfix"><img src="https://besraha.com/UserFiles/NewsInnerImages/2023/05/04/84114/04-05-23-397485306_20230504115245.jpg" style="height: 338px; width: 600px;"><div class="caption">&nbsp;</div></div><p>&nbsp;</p><h2><span style="color:#c0392b;">زوج عروس طنطا</span></h2><p>وأضاف: تأني يوم اللي هو يوم الأربعاء الموافق 26- 4- 2023 صحينا الصبح بدري وعلى الساعة 10 الصبح كده والدتها جات ومعاها أكل وكان معاها الذهب بتاع مراتي وادتهولي وقالتلي أنت أولى بيه، وأنا رديت عليها وقولتلها أنا معايا أغلى من الدهب يا ماما، وبعدين هي قعدت معانا ساعتين وطول الساعتين قعدت معانا احنا الاتنين نتكلم ونضحك ونهزر، وشربنا لبن مع بعض وفطرنا مع بعض، بعد كده هي أخدت بعضها ومشيت.</p><h2><span style="color:#c0392b;">اعترافات قاتل عروس طنطا&nbsp;</span></h2><p>وتابع: بعد والدتها ما مشيت قولتلها تعالي أنا عايز أخد حقي الشرعي منك وهي برضه قعدت تتهرب مني، وأنا حاولت أكلمها وأعرف هي مش راضيه ليه، وقالتلي علشان هي لسه مخدتش عليا ومكسوفة مني فأنا وقتها سكت وقعدنا نتكلم سوا، وقعدت كدة أحاول أداعب فيها علشان ترضى إنى أنا أخش عليها وهى بردو مش راضية، وفضلنا كدة لحد على الساعة 11:30 مساءا قولتلها يلا يا بنتي أنا عايز أخش وحرام عليكي وده حقي الشرعي وبردو هي مارضيتش، ووقتها كنت جبت آخرى منها ورحت على المطبخ أخدت سكينة كبيرة شوية كانت محطوطة على رخامة الحوض ولما دخلت عليها أوضة النوم كانت مدياني ضهرها ونايمة على بطنها عند طرف السرير، فقمت أنا نزلت على ظهرها بالسكينة وضربتها أكتر من ضربة، وهي حاولت تفلت مني وبتتقلب بسرعة علشان خاطر تهرب قمت ضاربها بالسكينة في رقبتها وفي وشها، ولما شفت الدم قعدت أخبط فيها كتير بالسكينة وهي كانت على حرف السرير ووقعت على الأرض ما بين السرير والتسريحة، وأنا كملت فيها ضرب لحد مات أكدت أنها ماتت.</p><div class="full-width clearfix"><img src="https://besraha.com/UserFiles/NewsInnerImages/2023/05/04/84114/2023_4_28_15_31_57_70_20230504115258.jpg" style="height: 1421px; width: 600px;"><div class="caption">&nbsp;</div></div><p>&nbsp;</p><p>وأكمل: وهي بتقع دماغها خبطت في الكومدينو اللي جنب السرير، وبعد كدة رميت السكنية جنبها ولبست هدومي وكلمت أخوها حازم وقولت له تعالالي حالا في مصيبة تعالى الحقني، ونزلت الشارع بعدها وطلبت الإسعاف، وأنا&nbsp;&nbsp;قعدت أصرخ وأصوت وأقول الحقوني مراتي راحت مني الحقوها، وبعدين الناس في المنطقة اتلمت فأنا كنت بتمرمغ في الأرض وبصوت وأصرخ بأعلى صوتي علشان حد يلحقها.</p><h2><span style="color:#c0392b;">المتهم بقتل عروس طنطا&nbsp;</span></h2><p>واستكمل: بعدين الإسعاف جات والشرطة وقبلهم أخوها حازم جه علشان يشوف في ايه، ولما الإسعاف جات طمنوني شوية وبعديها بشوية الشرطة جات وقعدوا يتكلموا معايا علشان يعرفوا ايه اللي حصل، وأنا حكيتلهم كل حاجة بالتفصيل&nbsp;&nbsp;وبعدها خدوني بعربية الشرطة وطلعوا بيا على المركز.</p><p>وبسؤاله عن سبب تفكيره في قتل المجني عليها كان رده: زهقت منها ومقدرتش أصبر عليها أكتر من كدة.</p>