"راضية باللي ربنا قسمهولي".. أول تعليق من البلوجر سارة محمد بعد فقدان بصرها نهائيا

<p>كشفت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، مؤكدة رضاها بكل ما كتب عليها من تغيرات صادمة في حياتها، وتمنت فقط أن تتوقف حملة الشائعات التي تلاحقها، وأشارت إلى أن حالتها النفسية تحسنت قليلاً بعد حملة الدعم المتداولة حالياً على مواقع التواصل الاجتماعي، كما توجهت برسالة لمرتكبي الحادث.</p><p>وأضافت سارة محمد في لقاء مسجل ببرنامج صبايا الشمس مع المذيعة ريهام سعيد، عرض بعد ساعات قليلة من إعلان فقدانها البصر نهائياً:&quot; أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله إن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا&quot;.</p><p>وواصلت قائلة: &quot;مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة إني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة إني هلاقي ناس كتير كدا بتحبني ومهتمة بمرضي&quot;.</p><p>وتابعت سارة: &quot;عايزة أقول إن عمرو الوحيد هو اللي عندي 24 ساعة، مش بيسبني، عمرو الوحيد هو اللي تثقه في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي&quot;.</p><p>يذكر أن الصفحة الرسمية لـ البلوجر سارة محمد أعلنت عن فقدان بصرها بشكل نهائي، وذلك بعد أيام من تعرضها لحادث إطلاق طلقات خرز عليها، حيث فشل التدخل الجراحي بعدما تبين أن الشبكية تهتكت بالكامل، بسبب إقدام سارة على حماية خطيبها وقت الحادث، وتلقيها دفعة الطلقات كاملة في الوجه.</p><p>وكتبت صفحة سارة عبر حسابها بموقع إنستغرام: سارة فقدت آخر أمل كانت متمسكة به للأسف، النتيجة النهائية سارة فقدت بصرها، اللهم لا نسألك رد القضاء ولكن نسألك اللطف فيه.</p>