تداول رواد مواقع التواصل الاجتماعي، مقطع فيديو لعامل مصري مقيم بالمملكة العربية السعودية، يوجه رسالة إلى العاهل السعودي، الملك سلمان بن عبدالعزيز.

 

وحسب الفيديو، قال العامل المصري: "مفيش رواتب، احنا شغالين في بيت ربنا"، مستشهدًا بالحديث النبوي الشريف: "يا عبادي إني حرمت الظلم على نفسي وجعلته بينكم محرما".

 

وأضاف: "يا جلالة الملك احنا مظلومين في عهدك، أنا بقالي 13 سنة شغال في الحرم وفي السعودية، وفي مأساة بقالنا 11 شهر ينزل لي راتب شهر ويعدي 3 شهور، وينزل راتبين ويعدي 5 شهور، لو مش عايزني اكمل في الشغل اديني الرواتب بتاعتي ومشيني، متقعدنيش 6 شهور من غير راتب".

 

وواصل: "مش عارف اعمل إيه، أنا آخر ما زهقت قدمت على طلب هجرة لأمريكا بتاريخ 27 أكتوبر الماضي، عشان مش عارف اعيش عيشه كريمة، وبقترض وأنا ليا فلوس عندكم".

 

وأردف: "أنا عندي أولاد في المدارس، وعندي التزامات، وإيجار، وفواتير، ومصاريف"، مطالبا الملك سلمان بضرورة النظر إلى العمال المظلومين.

 

وتساءل، موجهًا حديثه للملك سلمان: "الله أعلم البطانة بتوصلك الكلام ده ولا ما بتوصلوش؟"، مؤكدًا أنه أرسل خطابا من مكة مسجل للديوان الملكي يوم 3 مايو 2017، وقابل الأمير عبدالله بن بندر بن عبدالعزيز آل سعود يوم 11 أكتوبر الماضي في قلب الحرم، كما قابل الوزير صالح بن عبدالعزيز وقدم لكل واحد منهما مظلمته، دون جدوى.