وجّه المحامي مالك عدلي، عضو لجنة الدفاع عن مصرية جزيرتي تيران وصنافير، رسالة لم يريديون المساعدة في إثبات مصرية الجزيرتين.

 

وكتب «عدلي» عبر حسابه الشخصي على موقع «فيس بوك»: «مساء الخير.. ناس كتير بتسأل إزاي تقدر تساعد في موضوع تيران وصنافير.. احنا بنحاول نفكر في كل أشكال الرفض الشعبي للاتفاقية دي ومن أهم الوسائل إننا نحافظ علي وعي أطفالنا واخواتنا من تزييف التاريخ وطمس الحقائق وإن تيران وصنافير تفضل طول الوقت في أذهاننا وفي قلبنا وفي كتبنا».

 

وتابع «عدلي»: «لو حضرتك أم أو أب أو أخت أو أخ لطالب/ة في سادسة ابتدائي هات الكتاب بتاع الدراسات الاجتماعية.. افتح صفحة المحميات الطبيعية في الباب الخاص بالبيئة البحرية اللي اتحذف منه تيران وصنافير كاتنين من أهم المحميات الطبيعية المصرية وزودهم في الكتاب ووريهم لابنك عالخريطة واحكيله حكايتهم ولو جاله سؤال في الامتحان عن المحميات الطبيعية خليه يكتب بقلب محميتي "تيران وصنافير".. ولو حضرتك عندك طالب/ة في الصف الأول الثانوي ومش متابع الموضوع احكيهوله واعمل كده برضه في كتاب الجغرافيا واحكيله حكاية الجزيرتين ولو اتسأل في الامتحان خليه يقول بقلب إن من بين المحميات الطبيعية المصرية جزيرتي"تيران وصنافير"».

 

واختتم «عدلي» تدوينته قائلًا: «احذفوها من مناهجكم بس هتفضل تيران وصنافير مصرية في مناهجنا».

 

 

يذكر أن اللجنة التشريعية بمجلس النواب ستبدأ، خلال أيام، مناقشة اتفاقية إعادة ترسيم الحدود البحرية بين مصر والسعودية، التى انتقلت بمقتضاها تبعية جزيرتى تيران وصنافير إلى المملكة العربية السعودية.