اشترك لتصلك أهم الأخبار

فى أحد المراكز التعليمية بمحافظة القليوبية كان عمرو صلاح، الشاب ذو الـ24 عاماً، بجانب بعض الشباب الصغير الذين لم تتجاوز أعمارهم 16 عاما، يعلمهم كيفية صناعة روبوت.

بدأت حملة اصنع روبوت من خلال منشور دعا فيه عمرو الشباب لحضور الدورة مجانا وتعلم خطوات صناعة روبوت منزلى، وقال عمرو فى منشوره «هنعلمك تفك وتركب وتوصل دواير إلكترونية كتيرة وتشوف المكونات الإلكترونية بتشتغل إزاى لحد ما تعمل معانا روبوت بتتحكم فيه عن طريق الموبايل وكل الشغل عملى على الأدوات اللى بنوفرها أثناء الشرح».

اختار عمرو نموذج السيارة وبدأ فى تنفيذه خلال الدورة التدريبية، ويقول عمرو: «تخرجت فى كلية الحاسبات والمعلومات وبعد إنهاء الجيش قمت بالعمل فى إحدى الشركات، ثم أصبحت مهندس شبكات فى بنك».

تعلم عمرو البرمجة من خلال «الكورسات الأون لاين»، وتدرب مع مهندس كومبيوتر وبدأ فى مشروع الـ«Smart Home»، ونفذ هذا المشروع على جزء صغير من منزله، قام فيه باستخدام الموبايل لتشغيل المروحة وإضاءة المكان، ونشر فيديو لهذه التجربة على صفحته الشخصية على «فيس بوك». يقول عمرو: «فكرة الـsmart home دلوقتى مهمة، لأن أكيد هييجى وقت الإنسان هيحرك العالم كله وهو فى مكانه».

وأضاف عمرو: «بدأت أتفرج على فيديوهات لدكاترة أجانب عشان هما أكثر خبرة، وكنت بدور على الحاجة اللى محتاجها فى تجربتى ومكنتش بتتباع فى مصر، فكنت بتفرج على فيديوهات وأصنعها بإيدى».

يهدف عمرو لخلق جيل من المهندسين بمستوى عالى من الاحترافية، وقال «هبدأ معاهم من الصفر عشان أعلمهم أساسيات علم التحكم». أثنى عدد من الشباب المشارك فى الدورة التدريبية على ما تعلموه فى هذه الفترة، مشيدين بالبداية الجديدة لهم فى عالم الدوائر الإلكترونية، واعتبروها خطوة هامة تساعدهم على الالتحاق بكلية الحاسبات والمعلومات.