كلمات اغنية سبنا بعض – خالد الطيب

اخيراً سبنا بعض تصدق انت عملت خير
وريحت اللي ياما زمان تعبته معاك كتير

كده انت اديتني فرصة انساك
واعيش بعدك خلاص

امانة بجد مش ندمان عشان مبقتش ليك
مفيش ولا حاجة كانت فيا شوفتها مرة فيك

حقيقي نتيجة صح
القصة فاشلة من الاساس

مجيلكش في حاجة وحشة
وخلاص مش هيكون ليك وحشة وسلام

امشي ومتفكرش انك تيجي
علشان مش هستناك

ليك فضل انا مش هنكر
في اللي انا فيه ده فعلا متشكر
عشان انت بجد رحمتني
من اللي زمان كنت بشوفوه

اكيد بعدك فهمت حاجات زمان مفهمتهاش
صحيح ضيعت ولكن مفيش حاجة ببلاش

اقل ما فيها مش هتعب تعبي في حبي ليك
معنديش حاجة اقولها لا خلاص تقدر تغيب

مفيش ولا لوم عليك
لوم اللي مش بيحس عيب
كفاية كسبت نفسي
بجد بعد خسارتي ليك