أبلة فاهيتا وشادي

بيان للبرنامج: أقول للعسكري حقك علينا طول ما أنت بتحمي بيوتنا وبوتيكاتنا وحقوقنا وحتى لو ده واجبك.. وللشعب: أحضن نفسك بنفسك

 

 

أصدر برنامج "أبلة فاهيتا"، بيانا اعتذر فيه عن بيانه السابق والذي هاجم فيه مراسل البرنامج "شادي حسين" بعد واقعة فيديو الواقي الذكري، مؤكدة أنها "تلقت صدمة من البيان السابق ككل المتابعين الذين تلقوه".

ووجهت "فاهيتا" في بيانها، رسائل إلى مراسها شادي حسين وقوات الأمن والمتابعين وأيضا "حرية التعبير"، مؤكدة أن ما قام به شادي "ما هو إلا تعبيرا عن الرأي"، وأن الاعتذار واجب للعساكر لأنهم يأمنون حياة المواطنين "حتى وإن كان ده واجبهم".

وقالت "فاهيتا" في نص بيانها: "بونسوار.. عزيزي شادي، إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل، أنا متأكدة أنك ماتقصدش غير أنك تعبر عن رأيك، أنت شاب والشباب لما بيحبط بيلوش، قلبي عندك وحضنك عندي".

وأضافت: "عزيزي العسكري الغلبان: حقك علينا، إنت على راسنا من فوق طول مإنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش - ده شباب محبط وتقلها في الهزار"، وإلى عزيزي الشعب، "أحضن نفسك، إنت مالكش غيرك".

وقالت فاهيتا: "أما عزيزتي حرية التعبير، متكاتفة معاكي ومش ناوية أسيبك، ده إنتي برضك يتيمة زي كارو"، وإلى عزيزي "ديوركس"، أنت "اتنفخت أنت في القصة دي وأنتم هتفضلوا أعزاء على قلبي مهما شتمتوني".

وتابع البيان: "أعزائي حبايبي وأعدائي، حقكم تاخدوا على خاطركم مني، البيان اللي نزل الاسبوع اللي فات كان صدمة ليا قبل مايكون صدمة ليكوا.. كنت فاكرة إني الأقوي وكلمتي هي اللي هتمشي، لكن طلع فيه الأقوى.. انا ست حرة ومابخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم انا إمتى هأنسى".