قالت المحامية الحقوقية، بالمفوضية المصرية للحقوق والحريات، دعاء مصطفى، إن الحالة الصحية للناشط "محمود السقا" والمحتجز على ذمة اتهامات في القضية المعروفة إعلاميا باسم "جماعة 25 يناير"، تدهورت للغاية.

وكتبت دعاء على صفحتها بـ فيسبوك: "الحالة الصحية لمحمود سيئة جدا، وجاله دكتور وكتب له على حقن وعلاج بعد ما جنبه اليمين اتخشب من البرد والدكتور قالهم أنه حالته هتسوء أكتر من كده لو متنقلش ونام على سرير".

وأضافت دعاء: "المساجين كانت أحن على بعض منهم، والمساجين هاجت عشان محمود يتنقل وبالفعل تم نقله من يومين للزنزانة تاني.. محمود النهارده قالى متجيش تانى ومحدش يجى تانى مفيش حاجه بتتغير، أنا هفضل يتجددلى كده وخلاص".

وجددت النيابة، اليوم الثلاثاء، حبس السقا وآخرين 15 يوما على ذمة التحقيقات في القضية المعروفة إعلاميا باسم "تنظيم جماعة 25 يناير"، والتي اعتقل على أثرها قبل أيام من ذكرى الثورة الخامسة 25 يناير.