كتبت- إ نجي لطفي

أصدرت أبلة فاهيتا بيانا عبر صفحتها الرسمية على موقع التواصل الاجتماعي تتراجع فيه عن بيانها السابق الخاص بواقعية الواقي الذكري كما توجهت بعدة رسائل لشادي مراسل البرنامج والجنود العساكر و الشعب المصري ورسائل تؤكد فيها علي حرية الرأي والتعبير.

وإلي نص البيان:
عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكده أنك ماتقصدش غير انك تعبر عن رأيك.. انت شاب والشباب لما بيحبط بيلوش.. قلبي عندك وحضنك عندي.

عزيزي العسكري الغلبان: حقك علينا، إنت على راسنا من فوق طول مإنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش – ده شباب محبط وتقلها في الهزار.

عزيزي الشعب: أحضن نفسك، إنت مالكش غيرك.

عزيزتي حرية التعبير: متكاتفة معاكي ومش ناوية اسيبك، ده إنتي برضك يتيمة زي كارو.

أعزائي حبايبي وأعدائي: حقكم تاخدوا على خاطركم مني، البيان اللي نزل الاسبوع اللي فات كان صدمة ليا قبل مايكون صدمة ليكوا.. كنت فاكرة إني الأقوي وكلمتي هي اللي هتمشي، لكن طلع فيه الأقوى..
انا ست حرة ومابخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم انا إمتى هأنسى..

عزيزي ديوركس: إتنفخت إنت في القصة دي ..

عزيزتكم مهما شتمتوها،
الأبلة